2019 წლის 8 სექტემბერს ვახტანგ გომელაური მეორედ დაინიშნა საქართველოს შინაგან საქმეთა მინისტრად. პირველად მას ეს პოზიცია 2015 წელს ეჭირა, 6 თვით. მანამდე, 2013 წლიდან შინაგან საქმეთა მინისტრის მოადგილე იყო. მინისტრობის ორ პერიოდს შორის, 2015 წლის აგვისტოდან 2019 წლის სექტემბრამდე გომელაური საქართველოს სახელმწიფო უსაფრთხოების სამსახურის უფროსის პოსტსაც იკავებდა.
წინასაარჩევნოდ, მინისტრი ესწრებოდა “ქართული ოცნების” მხარდამჭრთა კლუბის გახსნას.
ოჯახი
ცოლი: ნინო კუდუხაშვილი
შვილები: ანა და ლუკა გომეულაურები
ჟურნალისტური გამოძიება
ტ/კ “პირველმა” 2022-2023 წლებში მოამზადა რამდენიმე ჟურნალისტური გამოძიება, რომელთა მიხედვით, მინისტრის პირადი დაცვის თანამშრომელი - გიორგი მელაძე, გომელაურის ყოფილი თანამშრომელი სუს-დან და სხვა ახლო გარემოცვის პირები მათი შემოსავლისთვის შეუსაბამო ქონებას ფლობენ. მაგალითად, რესტორანს მცხეთაში, აპარტამენტს კრწანისში, ავტოფარეხებს ვაკეში, “არქი თაურესში” და სხვა.
ჩვენ გადავამოწმეთ ავტოფარეხების ამბავი, რომელიც, მედიის თქმით, გომელაურის პირად დაცვას ეკუთვნოდა. ახლა ეს ქონება ნამდვილად ვახტანგ გომელაურის საკუთრებაშია. ამავე კორპუსში მან 200 კვ.მ-ზე მეტი საცხოვრებელი ბინაც დაირეგისტრირა.
ᲓᲔᲙᲚᲐᲠᲘᲠᲔᲑᲣᲚᲘ ᲗᲐᲜᲮᲐ
| მფლობელი | აღწერა | თანხა |
|---|---|---|
| ვახტანგ გომელაური | ანაზღაურების სახით მიღებული შემოსავალი 2023 წელს | ₾96,789 |
| ვახტანგ გომელაური | თანხა საბანკო ანგარიშებზე | ₾41,296 |
| ვახტანგ გომელაური | თანხა საბანკო ანგარიშებზე | $800 |
| ვახტანგ გომელაური | თანხა საბანკო ანგარიშებზე | €3,000 |
| ნინო კუდუხაშვილი | თანხა საბანკო ანგარიშებზე | ₾1,826 |
| ნინო კუდუხაშვილი | თანხა საბანკო ანგარიშებზე | $4,081 |
| ვახტანგ გომელაური | დანაზოგი | $7,400 |
| ვახტანგ გომელაური | დანაზოგი | ₾18,000 |
ᲥᲝᲜᲔᲑᲐ
| სახეობა | მფლობელობა | რეგისტრაციის თარიღი | გადახდილი თანხა | მდებარეობა | ფართობი | დეკლარირებული |
|---|---|---|---|---|---|---|
| ბინა | ვახტანგ გომელაური | 30 სექტემბერი 2022 წელი | ₾542,000 | თბილისი, საქართველო | 200 კვ.მ | ✓ |
| სახლი | ნინო კუდუხაშვილი | 3 მაისი 2019 წელი | ₾123,717 | სოფელი ტაბახმელა | 2,001 კვ.მ; შენობა-ნაგებობები 650 კვ.მ | ✓ |
| აგარაკი | ნინო კუდუხაშვილი (საჩუქარი) | 27 მარტი 2018 წელი | სოფელი გორანა, თიანეთის მუნიციპალიტეტი | 1,088 კვ.მ | ✓ | |
| მიწის ნაკვეთი | ნინო კუდუხაშვილი (საჩუქარი) | 27 მარტი 2018 წელი | სოფელი გორანა, თიანეთის მუნიციპალიტეტი | 1,422 კვ.მ | ✓ |