ᲚᲔᲕᲐᲜ ᲓᲐᲕᲘᲗᲐᲨᲕᲘᲚᲘ

ოჯახი

ცოლი: თეა ფარქოსაძე. მის სახელზე რეგისტრირებულია წილები 2 კომპანიაში, თუმცა დეკლარაციის მიხედვით, სამეწარმეო საქმიანობიდან შემოსავალი არ აქვს.

შვილები: ანა და ლუკა დავითაშვილები.

პოლიტიკური შეწირულობა

თეა ფარქოსაძის ძმამ და პარტნიორმა შპს “მაქსფარმაში”, დავით ფარქოსაძემ 2016 წელს 13,000 ლარი შეწირა პარტია “ქართულ ოცნებას”.

დარღვევები დეკლარაციაში

საჯარო სამსახურის ბიურომ ლევან დავითაშვილის დეკლარაცია 2019 წელს შეამოწმა, თუმცა დარღვევები არ აღმოუჩენია. 2019 წლის დეკემბერში “საერთაშორისო გამჭვირვალობა საქართველომ” გამოაქვეყნა კვლევა. კვლევის მიხედვით, ორგანიზაციამ ლევან დავითაშვილის დეკლარაციაში გამოავლინა შემდეგი დარღვევები: 1. ლევან დავითაშვილმა არ მიუთითა, რომ 2018 წლის განმავლობაში ფლობდა წილებს 4 კომპანიაში [შპს „გლობალ ფეშენ გრუპის“ – 40%; შპს „საქართველოს საკონსულტაციო ჯგუფი“ – 34%; შპს „ენოჯორჯია“ – 15%; შპს „გლობალ ფუდ იმპორტი“ – 33.33%], რომლებიც მან მხოლოდ 2019 წლის იანვარში (უსასყიდლოდ) დათმო: 2) ლევან დავითაშვილმა დეკლარაციაში არ ახსენა, რომ მისი მეუღლე თეა ფარქოსაძე შპს „Intermanagement“-ის დირექტორიცაა.