მთავარი პარტიები
ძლიერი საქართველო - ლელო, ხალხისთვის, თავისუფლებისთვის!
9

ᲫᲚᲘᲔᲠᲘ ᲡᲐᲥᲐᲠᲗᲕᲔᲚᲝ - ᲚᲔᲚᲝ, ᲮᲐᲚᲮᲘᲡᲗᲕᲘᲡ, ᲗᲐᲕᲘᲡᲣᲤᲚᲔᲑᲘᲡᲗᲕᲘᲡ!

ლიდერი:
წევრი პარტიები:
ძლიერი საქართველო - ლელო, ხალხისთვის, თავისუფლებისთვის, „ანა დოლიძე-ხალხისთვის“, „ალეკო ელისაშვილი-მოქალაქეები“, „თავისუფლების მოედანი“
პარტიის დაფინანსების წყაროები:

შემოწირულებები: ₾3,307,898
სახელმწიფო დაფინანსება: ₾373,054
სხვა: ₾4,000

ლიდერები: მამუკა ხაზარაძე, ანა დოლიძე, ალექსანდრე ელისაშვილი, ლევან ცუცქირიძე

„ძლიერი საქართველო - ლელო, ხალხისთვის, თავისუფლებისთვის!” - ამ სახელწოდებით 2024 წლის 22 აგვისტოს ტრანსფორმირდა მოქალაქეთა პოლიტიკური გაერთიანება „ლელო საქართველოსთვის“ - მას შემდეგ, რაც აღნიშნულ პარტიასთან 3 პოლიტიკური სუბიექტი გაერთიანდა: „ანა დოლიძე-ხალხისთვის”, „თავისუფლების მოედანი“ და „ალეკო ელისაშვილი-მოქალაქეები“.

პარტია „ლელო საქართველოსთვის“ 2020 წლის 28 იანვარს დარეგისტრირდა მოქალაქეთა პოლიტიკური გაერთიანებების რეესტრში. პარტიის თავმჯდომარეა მამუკა ხაზარაძე. 2020 წლის საპარლამენტო არჩევნებში პარტიამ ამომრჩეველთა ხმების 3.15% მიიღო.

„ანა დოლიძე-ხალხისთვის“ 2021 წელს ჩამოყალიბდა. იმავე წელს გამართულ ადგილობრივი თვითმმართველობის არჩევნებში პარტიამ მთელი საქართველოს მასშტაბით ამომრჩეველთა ხმების 0,85% მიიღო.

„ალეკო ელისაშვილი - მოქალაქეები“ 2020 წელს ჩამოყალიბდა. იმავე წელს გამართულ საპარლამენტო არჩევნებში პარტიამ ამომრჩეველთა ხმების 1.33% მიიღო.

ა(ა)იპ “თავისუფლების მოედანი” დაფუძნდა 2024 წლის აპრილში. დამფუძნებელია ა(ა)იპ “აღმოსავლეთ ევროპის ცენტრი მრავალპარტიული დემოკრატიისათვის”, ხელმძღვანელი კი - ლევან ცუციქრიძე.

სოციალური მედიის არხები: Facebook
ვებ-გვერდი: dzlieri9.ge
ელექტრონული ფოსტა: info@lelo9.com

ᲞᲠᲝᲒᲠᲐᲛᲔᲑᲘ
ᲯᲐᲜᲓᲐᲪᲕᲐ
საქართველოს ყველა მოქალაქე უნდა იყოს უზრუნველყოფილი სრულყოფილი, ხარისხიანი და დროული სამედიცინო დახმარებით. ამისთვის უწყვეტი განათლების გზით მოხდება სამედიცინო პერსონალის კვალიფიკაციის ამაღლება; განხორციელდება ჯანდაცვის სისტემის ადეკვატური დაფინანსების მოდელის დანერგვა: მომსახურების დიაგნოზთან შეჭიდული ჯგუფებით (DRG - დაფინანსების არსებული სიტემა იქნება საბაზრო ფასებთან შესაბამისი).
ᲔᲕᲠᲝᲘᲜᲢᲔᲒᲠᲐᲪᲘᲐ
კოალიცია პირობას დებს, რომ სწრაფად შეასრულებს ევროკავშირის 9 რეკომენდაციას და შესაბამისად, საქართველო ეფექტურად განახორციელებს მოლაპარაკებებს ევროკავშირში გაწევრიანების თაობაზე. კოალიცია არის პრეზიდენტის მიერ ინიცირებული ,,ქართულ ქარტიის” ხელმომწერი, რომელიც საქართველოს ევროინტეგრაციისკენ მიმართული მრავალპარტიული შეთანხმებაა.
ᲔᲙᲝᲜᲝᲛᲘᲙᲐ/ᲡᲘᲦᲐᲠᲘᲑᲔ
„ძლიერი საქართველო“ 200,000 ახალი სამუშაო ადგილის შექმნას აპირებს, ანაკლიის პორტისა და სხვა მსგავსი მეგაპროექტების განხორციელებით; დანერგავს ანაზღაურებად სტაჟირებას; საარსებო მინიმუმის ახალი მოდელით გაანგარიშების გზით დაადგენს მინიმალური ხელფასის ოდენობას, ასევე - სამართლიანი ანაზღაურების სტანდარტს; 1000 ლარამდე გაზრდის მინიმალურ პენსიას.
ᲒᲐᲜᲐᲗᲚᲔᲑᲐ
კოალიცია შეიმუშავებს საგანმანათლებლო დაწესებულებების პოლიტიკაში ჩართვის შესახებ რეგულაციებს, რომლითაც გაათავისუფლებს განათლების სისტემას პარტიული კონტროლისგან. “ძლიერი საქართველო” აამუშავებს სასკოლო კვების პროგრამას; განავითარებს სტუდენტების საცხოვრებლით უზრუნველყოფის სისტემას; განაახლებს კვლევით ლაბორატორიებს; პოპულარიზაციას გაუწევს პროფესიულ განათლებას; გაზრდის საბავშვო ბაღების რაოდენობას ეთნიკური უმცირესობებით მჭიდროდ დასახლებულ მუნიციპალიტეტებში.
ᲣᲡᲐᲤᲠᲗᲮᲝᲔᲑᲐ
“ძლიერი საქართველო” აპირებს ნატოს საუკეთესო პრაქტიკაზე დაფუძნებული ეროვნული უსაფრთხოების სისტემის შექმნას, რისთვისაც დაგეგმილია ეროვნული უსაფრთხოების საბჭოს რეფორმირება. კოალიცია აღადგენს სავიზო რეგულაციებს რუსეთის მოქალაქეებისთვის, შეზღუდავს რუსული ,,რბილი ძალის” მოქმედებას საქართველოში. ქვეყნის დეოკუპაციისა და კონფლიქტების მშვიდობიანი მოგვარების მიზნით, კოალიცია აპირებს ოკუპირებულ რეგიონებში მცხოვრები მოსახლეობისთვის განათლებისა და დასაქმების უკეთესი ალტერნატივის გაჩენას; ევროკავშირში საქართველოს წევრობის კანდიდატობით გაჩენილ შესაძლებლობებზე ხელმისაწვდომობის გაზრდას; თავისუფალი ეკონომიკური და სავაჭრო ზონების შექმნას.
ᲓᲔᲛᲝᲙᲠᲐᲢᲘᲐ
“ძლიერი საქართველო” მხარს უჭერს დემოკრატიულ მმართველობას. ყველა პარტიას ექნება თავისუფლად ფუნქციონირების შესაძლებლობა. გაძლიერდება ადგილობრივი თვითმმართველობა და მოხდება ძალაუფლების დეცენტრალიზაცია.
ᲛᲘᲣᲙᲔᲠᲫᲝᲔᲑᲔᲚᲘ ᲛᲐᲠᲗᲚᲛᲡᲐᲯᲣᲚᲔᲑᲐ
კოალიცია აპირებს აამოქმედოს მოსამართლეთა კეთილსინდისიერების შემოწმების ე.წ. ვეტინგის მექანიზმი, რის შედეგადაც მოქმედი იუსტიციის საბჭო დაიშლება, ახალი საბჭო კი დაკომპლექტდება ვეტინგის პროცედურის გათვალისწინებით; გაიზრდება მოსამართლეთა რაოდენობა და სასამართლო სისტემა გაიხსნება ახალი, კომპეტენტური კადრებისთვის სისტემის გარედან.
ᲔᲚᲘᲢᲣᲠᲘ ᲙᲝᲠᲣᲤᲪᲘᲐ
შეიქმნება საგამოძიებო ფუნქციით აღჭურვილი ეროვნული ანტიკორუფციული სააგენტო, რომელიც ანგარიშვალდებული იქნება პარლამენტის წინაშე; განხორციელდება სახელმწიფო შესყიდვების სისტემის რეფორმა; უზრუნველყოფილი იქნება ოფშორული კომპანიების გამჭვირვალობა; კორუფციული გზით მიღებული დაუსაბუთებელი ქონება დაექვემდებარეება კონფისკაციას.
ᲐᲒᲔᲜᲢᲔᲑᲘᲡ ᲨᲔᲡᲐᲮᲔᲑ "ᲠᲣᲡᲣᲚᲘ ᲙᲐᲜᲝᲜᲘ"
“ძლიერი საქართველო” მიიჩნევს, რომ ეს კანონი საქართველოს აბრკოლებს ევროინტეგრაციის გზაზე და არ ემსახურება საქართველოს ეროვნულ ინტერესებს. შესაბამისად, ხელისუფლებაში მოსვლის შემდეგ, კოალიცია გააუქმებს რუსულ კანონს.
ᲐᲓᲒᲘᲚᲝᲑᲠᲘᲕᲘ ᲗᲕᲘᲗᲛᲛᲐᲠᲗᲕᲔᲚᲝᲑᲐ
“რეალური დეცენტრალიზაცია, მეტი ფინანსები და უფლებები მუნიციპალიტეტებს, საკრებულოები ხალხისთვის და მოსახლეობის პრიორიტეტებზე მორგებული ადგილობრივი ბიუჯეტები” - ეს არის “ძლიერი საქართველოს” ამოცანა. ამისთვის, კოალიცია აპირებს, რომ გააძლიეროს საკრებულოების როლი და უფლებამოსილება; გააუქმოს სახელმწიფო რწმუნებულის ადმინისტრაციები; გააუმჯობესოს მუნიციპალიტეტებში ადგილობრივი შემოსავლების და მოსაკრებლების ადმინისტრირება ცენტრისგან მეტი ფინანსური დამოუკიდებლობის მისაღწევად; გადახედოს არსებული ადმინისტრაციულ-ტერიტორიული მოწყობისა და 2017 წელს ქალაქებისთვის ჩამორთმეული თვითმმართველობის სტატუსის საკითხებს; გააძლიეროს პარლამენტის რეგიონული პოლიტიკისა და თვითმმართველობის კომიტეტის ფუნქციები.
ᲞᲐᲠᲢᲘᲘᲡ ᲬᲔᲕᲠᲔᲑᲘ
ᲐᲚᲔᲥᲡᲐᲜᲓᲠᲔ ᲔᲚᲘᲡᲐᲨᲕᲘᲚᲘ
პარლამენტის წევრი
ძლიერი საქართველო - ლელო, ხალხისთვის, თავისუფლებისთვის!
ᲐᲜᲐ ᲓᲝᲚᲘᲫᲔ
პოლიტიკური პარტიის ლიდერი
ძლიერი საქართველო - ლელო, ხალხისთვის, თავისუფლებისთვის!
ᲛᲐᲛᲣᲙᲐ ᲮᲐᲖᲐᲠᲐᲫᲔ
თავმჯდომარე
ძლიერი საქართველო - ლელო, ხალხისთვის, თავისუფლებისთვის!
ᲧᲕᲔᲚᲐ ᲞᲝᲚᲘᲢᲘᲙᲝᲡᲘᲡ ᲜᲐᲮᲕᲐ