ᲒᲘᲝᲠᲒᲘ ᲕᲝᲚᲡᲙᲘ

“ქართული ოცნების” ხელისუფლებაში მოსვლის შემდეგ, 2012 წლიდან დღემდე გიორგი ვოლსკი პარლამენტის წევრია. VIII მოწვევის პარლამენტში იყო უმრავლესობის ლიდერის მოადგილე; IX მოწვევის პარლამენტში - საპარლამენტო უმრავლესობის ლიდერი და პარლამენტის თავმჯდომარის მოადგილე; პარლამენტის თავმჯდომარის პირველი მოადგილის პოსტი დაიკავა მან X მოწვევის პარლამენტშიც . გიორგი ვოლსკი სხვადასხვა თანამდებობაზე მუშაობდა გასულ წლებშიც: ენმ-ს ხელისუფლების დროს მუშაობდა უშიშროების საბჭოში [2003-2004 წწ], კონფლიქტების მოგვარების საკითხებში სახელმწიფო მინისტრის მოადგილედ [2004-06 წწ], საგარეო საქმეთა სამინისტროში [2006-11 წწ]. უფრო ადრე, 1991-93 წწ გიორგი ვოლსკი რუსეთის ფედერაციაში იყო საქართველო წარმომადგენლის მოადგილე; 1999-03 წწ მუშაობდა აშშ-ში, კერძოდ, საქართველოს წარმომადგენლობაში გაეროში.

“სტუდია მონიტორის” ინფორმაციით, 2019 წელს, გიორგი ვოლსკის შვილმა, რომელიც აშშ-ში ცხოვრობს და მუშაობს, ვაშინგტონში შეიძინა სახლი 476,000 დოლარად.