ᲜᲘᲜᲝ ᲬᲘᲚᲝᲡᲐᲜᲘ
ნინო წილოსანი პარლამენტის წევრი თავდაპირველად 2016 წელს გახდა, როგორც “ქართული ოცნების” მაჟორიტარი დეპუტატი. 2020 წელს, X მოწვევის პარლამენტში მან “ქართული ოცნების” პარტიული სიით დაიკავა ადგილი. 2021 წლიდან არის გენდერული თანასწორობის მუდმივმოქმედი საპარლამენტო საბჭოს თავმჯდომარე. 2024 წლის 21 თებერვალს კი პარლამენტის თავმჯდომარის მოადგილედ აირჩიეს. პარლამენტში დეპუტატად არჩევამდე ნინო წილოსანი მისი ოჯახის კუთვნილ ბიზნეს კომპანიებში იყო დასაქმებული.
ნინო წილოსანის დეპუტატად არჩევის შემდეგ ტრანსფორმაცია განიცადა მისი ოჯახის წევრების წინააღმდეგ სისხლის სამართლის საქმის მსვლელობამ. ნინო წილოსანის მამას - ბადრი წილოსანს [შპს „ვაგონმშენებელი კომპანიის“ დამფუძნებელი] და ამჟამად უკვე ყოფილი ქმარს - ვლადიმერ აბულაძეს [შპს „ვაგონმშენებელი კომპანიის“ დირექტორი] 2013 წლის მაისში წარუდგინეს ბრალი სახელმწიფოს კუთვნილი 65 მლნ ლარის მითვისება–გაფლანგვის საქმეზე. ონლაინ გამოცემა “პუბლიკის” სტატიის მიხედვით, ამ საქმის განხილვას თბილისის საქალაქო სასამართლომ 10 წელი მოანდობა და საბოლოოდ, 2023 წლის 6 აპრილს გამოიტანა ბრალდებულების გამამართლებელი განაჩენი, რაც 2024 წლის 4 სექტემბერს ძალაში დატოვა თბილისის სააპელაციო სასამართლომაც.
ოჯახი
შვილები: მარიამ, ნიკოლოზ და თემურ აბულაძეები. ბოლო, 2024 წლის დეკლარაციის მიხედვით, ნიკოლოზი და თემური აღარ ცხოვრობენ მასთან.
დარღვევები დეკლარაციაში
2019 წელს საჯარო სამსახურის ბიურომ, დეკლარაციის მონიტორინგის შედეგად აღმოჩენილი დარღვევების გამო, ნინო წილოსანი დააჯარიმა.
ᲓᲔᲙᲚᲐᲠᲘᲠᲔᲑᲣᲚᲘ ᲗᲐᲜᲮᲐ
| მფლობელი | აღწერა | თანხა |
|---|---|---|
| ნინო წილოსანი | ანაზღაურების სახით მიღებული შემოსავალი 2023 წელს | ₾53,449 |
| ნინო წილოსანი | სამეწარმეო საქმიანობიდან მიღებული შემოსავალი | ₾106,434 |
| ნინო წილოსანი | შპს “მკურნალი 2002”-ის წილის გასხვისებიდან მიღებული შემოსავალი | ₾222,046 |
| ნინო წილოსანი | მშობლის უძრავი ქონების გასხვისების შედეგად მიღებული თანხა | $83,000 |
| ნინო წილოსანი | ფართების იჯარით გაცემის შედეგად მიღებული შემოსავალი | ₾107,403 |
| ნინო წილოსანი | ავტომანქანის გასხვისებიდან მიღებული შემოსავალი | $26,200 |
| ნინო წილოსანი | ნაღდი ფული დეკლარაციის შევსების დროს | ₾130,000 |
| ნინო წილოსანი | ნაღდი ფული დეკლარაციის შევსების დროს | $183,000 |
| ნინო წილოსანი | თანხა საბანკო ანგარიშებზე | ₾5,907 |
| ნინო წილოსანი | თანხა საბანკო ანგარიშებზე | $2,900 |
ᲥᲝᲜᲔᲑᲐ
| სახეობა | მფლობელობა | რეგისტრაციის თარიღი | გადახდილი თანხა | მდებარეობა | ფართობი | დეკლარირებული |
|---|---|---|---|---|---|---|
| არასაცხოვრებელი ფართი | ნინო წილოსანი , ლელა მეტრეველი, მაკა რატიანი | 31 მარტი 2023 წელი | ₾60,000 | ქალაქი თბილისი, საქართველო | 183 კვ.მ | ✓ |
| მიწის ნაკვეთი | ნინო წილოსანი | 24 აგვისტო 2009 წელი | ₾40,000 | რაიონი ოზურგეთი, საქართველო | 409 კვ.მ | ✓ |
| არასაცხოვრებელი ფართი | ნინო წილოსანი, ლელა მეტრეველი, მაკა რატიანი | 4 აგვისტო 2011 წელი | ₾80,000 | ქალაქი თბილისი, საქართველო | 83 კვ.მ | ✓ |
| ბინა | ნინო წილოსანი | 30 ივნისი 2014 წელი | ₾250,000 | ქალაქი თბილისი, საქართველო | 225 კვ.მ | ✓ |
ᲛᲘᲒᲜᲔᲑᲔᲑᲘ ᲡᲝᲪᲘᲐᲚᲣᲠᲘ ᲛᲔᲓᲘᲘᲓᲐᲜ
ᲫᲕᲘᲠᲐᲓᲦᲘᲠᲔᲑᲣᲚᲘ ᲜᲘᲕᲗᲔᲑᲘ
კორუფციის წინააღმდეგ ბრძოლის შესახებ Საქართველოს კანონის მიხედვით, თანამდებობის პირმა დეკლარაციაში უნდა მიუთითოს ნებისმიერი ხარჯი [გასავალი], რომლის ოდენობა 5,000 ლარს აღემატება [2019 წლამდე - 1,500 ლარი]. ნინო წილოსანის მიერ სოციალურ ქსელებში გამოქვეყნებული ფოტოს მიხედვით, ის ატარებს ძვირადღირებულ საათს, რომელიც მის დეკლარაციაში ასახული არ არის. იმ შემთხვევაშიც კი თუკი ეს საჩუქარი იქნებოდა, თანამდებობის პირს კორუფციის წინააღმდეგ ბრძოლის შესახებ საქართველოს კანონი ავალდებულებს, რომ მიუთითოს ყოველგვარი საჩუქარი, რომლის ღირებულებაც 500 ლარს აღემატება.
